Thursday, 22 February 2018

ఆశ


రెక్కలు విప్పిన మనసుని రెచ్చగొట్టి
ప్రేమాభిమానాలు ఇంధనంగా నింపి 
ఆకాశానికి అర్రులు ఆశగా చూసాను 
గమ్యం అగుపించక అల్లాడుతున్నాను!

Thursday, 25 January 2018

కుతి..

చీకట్లోనే చాలా మంది స్వైరవిహారం
ముసుగుల్లో చూపుతారు సాహసవిన్యాసం
గూఢమైన కుతిరాతల్లో కృత్రిమ ఆనందం 
తెలియని కూడని కాపేక్ష రతి ఆస్వాదం!

Friday, 19 January 2018

అంతర్మధనం

తెలియని తహతహలతో లోలోన అంతరాయం
జవాబులు ఇవ్వలేని చిక్కుప్రశ్నలతో ఆరాటం 
మనసు అలజడులతో చెప్పలేని నిస్సహాయత 
అక్షర స్వరములై నిలచెనే భావ అంతర్మధనం!

Friday, 15 December 2017

ద్వారం

ఒక తలుపు మూసుకుపోతే
వేరొకటి తెరిచే ఉంటుంది....
మనమే మూసిన ద్వారం వంక 
చూస్తూ బేలగా ఉండిపోతుంటాం!!!

Sunday, 3 December 2017

నాలో..

నాలోన తాను, తనలోన నేను
మరిచేము అనురాగ బంధాన మేను
నిండైన వెన్నెల్లో ఏకాంత తరుణాన
చూపుల్తో మౌనాన్ని దాల్చేము మేము..

Friday, 13 October 2017

వెలుగు

రేయంతా తారలు విరహంతో రగిలే
వెనుక తిరిగి చూడనన్న జ్ఞాపకాలు 
కాళ్ళ పగుళ్ళు ఆలోచనలై మండగా
బయట వెలుగు మదిన చీకటి కాసె!

Friday, 6 October 2017

ప్రేమంటే

ప్రేమంటే మనసులో పుట్టి ఆకాశం అంచులు తాకేది
ప్రేమంటే ఉదయించే వెలుగే కాదు అస్తమించే చీకటి 
ప్రేమంటే అనేకసార్లు మోడుబారినా చిగురించే ఆశలు
ప్రేమంటే నిట్టూర్పు నిరాశ సెగలు కాదు ఒక భరోసా!