సరదా

సమయం అంటే నాకు కడు సరదా.....
ఔనన్నా కాదన్నా సాగిపోతానంటుంది
హృదయానికి వేసేయి నీవు పరదా.....
వలదన్నా దాని పంతమే నెగ్గాలంటుంది

నాకొచ్చిన విద్య

మదినొకటి పెదవితో వేరొకటి పలుకడం రాదు
వేటగానిలా ఎదుటివారి మనసు విరచలేను
నాకు తెలిసీ నాదంటు నాకొచ్చిన విద్య ఒక్కటే
ఎవరైనా నాపేరు పలికినప్పుడు నవ్వై విరియడం

నవ్వుతూ

నగుమోములో భాధల్ని బంధించేయి
మితభాషిగా చెప్పవలసింది చెప్పేయి
నీ అలకమాని అందరినీ అలరించేయి
బ్రతుకుతూ బ్రతికే మార్గం చూపవోయి