జీవనం

ఎల్లవేళలా వడ్డించిన విస్తరి కాదు జీవితం

ఆకలిని అధికమించి సాగించాలి పయనం

ఎప్పుడూ నీవు మెచ్చిన రాగమే అడగనేల

తాళానికి అనుగుణంగా నర్తించడమే జీవనం

తోడు

ఒంటరిగా నువ్వు ఉంటే

తోడుగా వెంటరాని జనం

వాళ్ళు ఒంటరిగా ఉన్నప్పుడు

నీ తోడు కావాలని కోరతారు!

జ్ఞానం

బాదాంపప్పు తింటేకాదు జ్ఞానం పెరిగేది
జీవితంలో ఎదురుదెబ్బలు తింటే వస్తుంది
ఉన్నది ఉన్నట్లు చెబితే ఇలాగే ఉంటుంది
మసిపూసి మాయచేస్తే లోకం మెచ్చుతుంది

నిజాలు

నిజాలని నిర్భయంగా చెప్పే నేను

కాకున్నా కటువుగానే కనబడతాను!

కావాలంటే తీయగా మాట్లాడగలను

మాట్లడితే అబధ్ధాలకోరుని అవుతాను!