నవ్వాలి

జీవితం ఒక అందమైన కల
జీవించాలన్న జిజ్ఞాస ఉండాలి
భాధలే బానిసలయ్యే వలవేయాలి
నిండుగా నవ్వే నేర్పు మనకుండాలి

ఏంచేయలేం

మదిలోని ప్రతి భావనికి భాష్యం చెప్పలేం
ఆశపడ్డ ప్రతి కోరిక తీర్చమని మ్రొక్కలేం
పెదవులతో నవ్వేస్తూ  కన్నీటిని దాచలేం
మూర్ఖుల మనసెన్నటికీ రంజింపజేయలేం

గొప్ప

విజయమెన్నడూ గొప్పదికాదు
అది సాధించినవాళ్ళు గొప్పవారు
మనుషుల మధ్య వారధి గొప్పకాదు
దాన్ని తొలగించినవాళ్ళు గొప్పవాళ్ళు

సంభాషణ

కష్టాల్లో కడదేర్చడానికి దేవుడున్నాడుగా
వేడుకుందాం ఎప్పుడు దారి చూపుతాడో!
 సరళసంభాషణలు పూలజల్లులన్నారుగా
వాదులెందుకు పలుకరింపు పూలేరుకుందాం!

మనసు

వద్దన్నా నా మనసు నిన్నే వలచింది
తప్పొప్పుల సమరమే జరిగిపోయింది
నాటి చిరునవ్వే నేడు కన్నీరుకార్చింది
నా మనసు నన్ను వీడి వెళ్ళిపోయింది

ఆకాంక్ష

స్నేహితుడై ఉండి శత్రువులా దూరమైనావు నాకు
అయినా నువ్వు నావాడివే అన్న నమ్మకం నాకు
నువ్వు నాకే దక్కాలని కోరుకుంటానని అనుకోకు
నీ బాహువుల్లో ఊపిరి పోవాలన్న ఆకాంక్ష నాకు