కోరిక

నిన్నేం కోరనులే...
ఒక చిన్ని కోరిక తప్ప
నేను తలచిన ప్రతిసారి
నన్ను తాకి పలకరించి పో!

తెలిసింది

నిన్ను ప్రేమించడం మొదలెట్టాకే
లోకం అందంగా కనిపించసాగింది
నీప్రేమ జడివానజల్లులో తడిసాకే
తనువుకి తపన ఏమిటో తెలిసింది

ఏమిటో?

నేను అతని ప్రేమని పొందనేలేదు
ఇంక మరి కోల్పోవడం ఏమిటో??

మరిచా

చేయవలసిన పనులు ఎన్నో మరచిపోయాను
ప్రేమను వెల్లడించడం పనిలో పనిగా మరిచాను

తెంచు

నన్ను నమ్మి నాగురించి చర్చించు
నా పై ఉన్న ప్రేమ ఎంతో వివరించు
నీవు లేని నా జీవితాన్ని ఊహించు
శిక్ష ఎంతకాలమని సంకెళ్ళు తెంచు

కల

కలలలో నీవు కాక నీలో కలలని జీవించనీయి
అందం ముఖానికి కాక ప్రేమించే మదికందీయి
ప్రేమ ఫలించి చీకటిదారిలో వెలుగు చూపనీయి

శ్రీగణేష్