జీవితంలో

జీవితంలో.....

వెనుదిరిగి చూస్తే "అనుభవం" లభిస్తుంది

ముందుగా యోచిస్తే "ఆశ" అగుపిస్తుంది

కుడి-ఎడమలు చూస్తే "నిజం" తెలుస్తుంది

మనలో మనం చూస్తే "పరమాత్మ" కనిపిస్తుంది!

ఆశలపందిళ్ళు

నిన్ను నువ్వు మెచ్చుకుంటూ సాగిపో...
నీ గురించి చెడు చెప్పేవారు కోకొల్లలున్నారు!!
ఆశలపందిళ్ళు అందరూ అల్లుకుంటూనే ఉంటారు
పూర్తయ్యేవి మాత్రం అదృష్టం అచ్చి వచ్చినవారిదే!

విజయం

అటో ఇటో అనుకున్న వారే విజేతలవుతారు
మధ్యలో ఊగిసలాడేవారు ఊగుతూ ఉంటారు
కోరికల్ని జయించి కర్తవ్యాన్ని పాలించేవారు
ఎప్పటికీ క్రిందకి జారక శిఖరాగ్రాన్నే ఉంటారు

నా పిచ్చిరాతలు

ఏం రాయను మనసు భాషరాని దానను
ఏదేదో చెప్పాలి అనుకుంటాను చెప్పలేను
అక్షరాలు కరుణిస్తే  అందంగానే రాస్తాను
ఏదో రాసానని చదవడం మానరనుకుంటాను

మాలోకం

అనుబంధాలు వాటంతట అవి ఎప్పుడూ చావవు
స్వార్థం, అజ్ఞానం, అహం, వాటిని హత్యచేస్తాయి
కనులుతెరిచి  బ్రతుకుదామంటే ఏడిపించే లోకం
కనులుమూస్తే ఏడుస్తుందెందుకో వెర్రి మాలోకం!

నవ్వాలి

జీవితం ఒక అందమైన కల
జీవించాలన్న జిజ్ఞాస ఉండాలి
భాధలే బానిసలయ్యే వలవేయాలి
నిండుగా నవ్వే నేర్పు మనకుండాలి