ఆకాంక్ష

స్నేహితుడై ఉండి శత్రువులా దూరమైనావు నాకు
అయినా నువ్వు నావాడివే అన్న నమ్మకం నాకు
నువ్వు నాకే దక్కాలని కోరుకుంటానని అనుకోకు
నీ బాహువుల్లో ఊపిరి పోవాలన్న ఆకాంక్ష నాకు

మరిచా..

మాటలెన్నో ఎదను తడితే
కంటిరెప్పలనే విప్పార్చా..
హృదయ ద్వారము తెరిచా
మనసిచ్చి అడగడం మరిచా

కోరిక

నిన్నేం కోరనులే...
ఒక చిన్ని కోరిక తప్ప
నేను తలచిన ప్రతిసారి
నన్ను తాకి పలకరించి పో!

తెలిసింది

నిన్ను ప్రేమించడం మొదలెట్టాకే
లోకం అందంగా కనిపించసాగింది
నీప్రేమ జడివానజల్లులో తడిసాకే
తనువుకి తపన ఏమిటో తెలిసింది

ఏమిటో?

నేను అతని ప్రేమని పొందనేలేదు
ఇంక మరి కోల్పోవడం ఏమిటో??

మరిచా

చేయవలసిన పనులు ఎన్నో మరచిపోయాను
ప్రేమను వెల్లడించడం పనిలో పనిగా మరిచాను

తెంచు

నన్ను నమ్మి నాగురించి చర్చించు
నా పై ఉన్న ప్రేమ ఎంతో వివరించు
నీవు లేని నా జీవితాన్ని ఊహించు
శిక్ష ఎంతకాలమని సంకెళ్ళు తెంచు